Компания "Казах Ою"

Дорогие соотечественники!

   Компания «КАЗАХ ОЮ» рада  сообщить Вам, что в настоящее время есть возможность заказать ковер из натуральной шерсти (производство монгольской ковровой фабрики Erdenet премиум-класса) со стильными казахскими орнаментами с доставкой в Москву. Доставка осуществляется из Астаны, на следующей неделе ковры будут в Москве.

  Желающие могут прислать заявки на мэйл kazornament@mail.ru или позвонить по телефону  к дилеру в Москве: 8-926-380-16-05. Вам будет выслан подробный каталог с ценами, размерами, с указанием количества, размера, цвета. 

                            С уважением, пресс-служба Компании "КАЗАХ ОЮ"

 

                                                           НОВАЯ КОЛЛЕКЦИЯ - 2011 ГОДА

               Фото 1.

              Фото 2.

            Фото 3.

           Фото 4.

             Фото 5.

                Фото 6.

            Фото 7.

           Фото 8.

                   Фото 9.

          Фото 10.

         Фото 11.

              Фото 12.

             Фото 13.

МҰХТАСЫРОВА Толғанай Пионерқызы, қазақ оюларының насихатшысы

  - Тіл: Кез-келген үйге кіре қалсаңыз, бірінші кезекте көзіңіз сол үйдің еденіне түседі. Еденге төселген кілем, сырмақ, текемет ол үйге сән беріп қана қоймайды, жылу сыйлайды. Ал төселген дүниеден өз ұлтымыздың ою-өрнегін көріп жүру, тек қана көзімізді қуантары анық. Осындай ұлттық болмысымызға тән дүниелерді жасау идеясы қайдан пайда болды?
  - Әрбір адамның өзін құстай қанат­тандырып, алға жетелейтін арманы болады ғой. Бала күнімнен анамның сырмақ сырып, ою ойғанын көріп өскендіктен бе, көкейімде үнемі қазақтың ою-өрнектерін жандандырсам, оюмен өрнектелген бұйымдар жасасам деген арман болатын. Қазақтың оюының сұлулығын мен әлемнің шебер жасалған сәулет өнерінің кез-келген түрінен кем емес деп есептеймін. Әр адамның тағдырында ата-анасынан алған тәрбиесі мен көргені әсер ететінінің дәлеліндей, мен де ата-анам тәрізді ұлттық қолөнерді бағалап, осы сыры тереңде жатқан сұлулыққа құштар болдым. Шіркін-ай, дәл осылай Қазақстанда да ою-өрнекпен әспеттелген кілем, сырмақтар мен текеметтер жасайтын цех ашсам ғой деген ой көпке дейін мазалап жүрді. 

  Ұлттық нақыштағы кілемдер мен бұйымдар жасасам деген ойыммен әке-шешеммен бөліскенімде, олар бірден бас-тамамды қолдап, ақ батасын берді. Бірақ кез-келген істің басталуы үшін яғни менің көкейімдегі цехты ашпас бұрын, үлкен дайындықтың қажеттігін сезіндім. Сол себепті осы кілем саласындағы кәсіпті жан-жақты зерттей бастадым. Солай толғанып жүрген күндерімнің бірінде Моңғолиядан кілем әкеліп сатып жүрген адамдар туралы естідім. Моңғолия мал шаруашылығына басымдық бергендіктен, қойдың өзін ғана өсіріп қоймай, оның жүнін де пайдаға асырып, әлемге таза, сапалы жүн шығарумен аты шыққанын білетінбіз. Ол жерде ешбір синтетикалық қоспасыз, тек таза жүннен кілем тоқитын ірі кәсіпорын жұмыс істейді. Бұл үлкен кәсіпорын көбіне Еуропадан келетін тапсырыстарды орындайды екен. Сол қалаға баратын ұшаққа мінгенімде отырғандардың сексен пайызы еуропалықтар болғаны да ол кә­сі­порынға деген сұраныстың көрінісі деп есептеймін. Бұл кілемдер тек таза жүннен жасалғандықтан, экологиялық таза өнімдер.

   Арасында жергілікті қазақтарға арнал­ған қазақ оюларын салып тоқитын кі­лемдер жасап көргенін көзіммен көріп, өз дизайныммен кілемнің әр түрлеріне тапсырыс бердім.
  Қазақтың шаңырағында кілем немесе өзге де төсеніштер төсеу мәдениеті ертеден келе жатыр. Кейде тойларда сыйлыққа кілем беріп жататыны да сыйлаушының той иесіне деген құрметінен туған деп есептеймін. Кезінде тауар түрлері аз болып, үй жиһаздары мен кілемдерді кезекке тұрып, алғанымыз өткен тарихқа айналды. Дегенмен қазір әртүрлі сападағы кілемдер көбейіп, сауда үйлерін толтырып жатқан шақта өз оюымыз бен өрнегіміз бар дүниенің орыны ерекше болады деп сенемін.

  - Тіл:Қазақтың тұрмысында кең қолданылған тіршілік көзінің түрлері кей кездері бимен де өрнек тапқан. Сондай билердің бірі «Киіз басу» биі. Бір жағынан киіз басып, сырмақ сыру бір адамның ісі ғана емес, бір ауылдың қыз-келіншектерінің басын қосқан, бірлікті насихаттайтын әдемі дәстүрдің көрінісі. Ол туралы не ойлайсыз?
  - Қолдан жасалатын дүниенің кез-келгені оңайлықпен тумайды. Әсіресе, сырмақ сырып, киіз басу сияқты жұмыстар кезең-кезеңге бөлінген ұзақ процесстер тізбегі болып табылады. Сол себепті оның сақталу мерзімі де ұзақ. Сырмақ, текемет сияқты бұйымдарды күтіп ұстай білсе, атадан балаға көз ретінде қалдыруға да болады. Бала күнімізден сол киізден жасалған сырмақта аунап өстік қой. Құрамында синтетика, химиялық заттардың қоспасы болмағандықтан, тері аурулары да сирек ұшырасатын. Анам маған өз қолымен 30‑дан астам сырмақ тігіп берді. Қазір шаңырағымның төрінен есігіне дейін осы сырмақтар төселген. Қазақтың ою ойып, өрнек салу өнері ұрпақтан ұрпаққа жалғасып, үзілмей келе жатқан әдемі мұрасы. Әр оюдың өз айтары, өз мағынасы бар. Мысалы «қошқар мүйіз» оюы байлық пен молшылықты сипаттайды деп үйде береке болсын деген ниетпен төсеніштерге жапсырылатын болған. Анамнан көрген өнегем мен өмірден көрген-түйгенім осы кілемдердің сызбасын жасауда көп көмегін тигізуде.
  - Бұл кілемдерден басқа болашақта қазақтың сырмақтарын қолдан дайындап, сырмақ жасайтын цех ашсам деген жоспарым бар. Өзінше қайталанбас, ұлттық бояуы басым осындай дүниелерімізді әр қазақ отбасы өз шаңырағының төріне төсеп, бала-шағалары сонда аунап өссе деген ойым толық жүзеге асады деп сенемін.

 - Әңгімеңізден балалардың жағдайын көбірек ойлап, соларға зиянсыз дүниелер қолданғанды қалайтыңызды байқап отырмыз. Өз өміріңіздің өрнектері — отбасыңыз, өзіңіз туралы айтып берсеңіз.
  - Әйел заты үшін өмірінің мәні тек кәсіпте ғана жетістікке жетумен шектелмейді ғой. Әйел затының бақыты адал жар, ана атанумен ашылатыны белгілі. Біз отағасы екеуміз үш бала тәрбиелеп, олардың бойына еліне, ұлтына деген игі сезімдерді, сүйіспеншілік пен сыйластық гүлін егуге талпынып жатырмыз. Жақсылық, Шәкәрім атты ұлдарымыз, Айнұр есімді қызымыз бар. Жақсылық Президентіміздің бастамасымен ашылған интелектуалды мектептің оқушысы. Отбасымызда ұлттық салт-дәстүрлерді үнемі сақтауға тырысамыз. Отбасымызбен қазақ басылымдарын үзбей оқып отырамыз. Ана тіліміздің мемлекетіміздің болашағы екеніне күмәнданбаймыз. Өзім Алматы қаласындағы Абай атындағы педагогикалық институттың қазақ тілі мен әдебиеті факультетін бітіріп, одан кейін Мәскеуде қазақ тілінің оқыту әдістемесі бойынша кандидаттық диссертация қорғағанмын. Мәскеудің лингвистикалық университетінде, Қазақ­станның Ресейдегі елшілігінде қазақ тілінен сабақ бердім. Ендігі арманым қазақтың ұлттық дүниелерінің қадір-қасиетін түсінетін жандарға қуаныш сыйласам деймін…

      Фото 1.

     Фото 2.

          Фото 3.

 

       НОВЫЙ КАТАЛОГ ТОВАРОВ ЗДЕСЬ:   Здесь надо размещать. Реклама в PDF